Юридик ва жисмоний шахслар томонидан веб сайт орқали бўлган мурожаатлар
Жами мурожаатлар: 38Ишонч телефони статистикаси
ИЖТИМОИЙ ТАРМОҚЛАРДА ТАРҚАТИЛГАН ХАБАРГА МУНОСАБАТ
![](https://qoshtepa.uz/uploads/bot/ddcafaa79dbf77bc29643.jpg)
2022-12-30 09:56:00 123
![](https://telegra.ph/file/ddcafaa79dbf77bc29643.jpg)
“Отабек Артиков” телеграм мессенджерида Қўштепа туманидаги 15-умумий ўрта таълим мактабида бўлиб ўтган тадбир ҳақида танқидий муносабат билдирилган эди.
Ушбу танқидий муносабат юзасидан қуйидагиларни маълум қиламиз:
Жорий йил 27 декабрь куни мактабнинг юқори синф ўқувчилари учун маънавий-маърифий йўналишдаги дастур асосида “Янги йил” тадбири ташкил этилган. Тадбирдан кўзланган мақсад, ўқув йили давомида юқори натижаларга эришган иқтидорли, фаол ўқувчиларни мактаб маъмурияти томонидан тақдирлаш ҳамда уларнинг ота-оналарига ташаккурнома юборишдан иборат бўлган. 30 дақиқа давом этган тадбир юзасидан мактаб маъмуриятига ўқувчи ёки уларнинг ота-оналаридан ҳеч қандай эътироз бўлмаган.
Ушбу тадбир мактабнинг ички тадбири бўлганлиги учун туман ҳокимлиги ёки туман ХТБдан масъул вакиллар иштирок этмаган.
Суратда эртак қаҳрамонлари образидаги болалар бошланғич синф ўқувчилари бўлиб, ташқарига Қорбобо ва қорқиз билан эсдалик учун суратга тушиш мақсадида қисқа вақтга чиқишган холати акс этган.
Қўштепа тумани ҳокимлиги Ахборот хизмати.