1. Бош сахифа
2. Янгиликлар

БАЙРАМ ТОМОШАЛАРИ БОЛАЖОНЛАРГА БИР ОЛАМ ЗАВҚ БАҒИШЛАДИ

×

Дилларда байрам шукуҳи

Қўштепа туманида янги йил ўзгача шукуҳ ва қувонч билан қарши олинмоқда. Хусусан, жорий йилнинг 20-30 декабрь кунлари туманда секторлар бўйича “Янги йил” тадбирларини ўтказиш режалаштирилган.

Бугун Қумтепа маҳалласидаги “Туркистон” тантаналар мажмуасида 1-сектордаги 100 нафарга яқин ижтимоий химояга муҳтож оила вакиллари ва уларнинг фарзандлари учун тўкин дастурхон атрофида байрам тадбири ташкилланди.

Тадбирда туман ҳокими, 1-сектор раҳбари И.Новиков иштирок этиб, барчани байрам билан қутлади. Туман ҳокими иштирокида болажонларга Янги йил совғалари топширилди.

Туман Маданият уйи бадиий жамоаси томонидан тайёрланган байрам томошалари болажонларга бир олам завқ бағишлади. Улар ранг-баранг чироқлари товланиб турган мафтункор арча атрофида Қорбобо, Қорқиз ва турли эртак қаҳрамонлари билан бирга қўшиқ айтиб, рақсга тушдилар.

Бизни ижтимоий тармоқларда кузатинг
Facebook, Telegram