1. Бош сахифа
2. Янгиликлар

ИЖТИМОИЙ ТАРМОҚЛАРДА ТАРҚАТИЛГАН ХАБАРГА МУНОСАБАТ

×

Ижтимоий тармоқларда Қўштепа туманидан юборилган танқидий мурожаат эълон қилинган эди.

Мурожаатда: – “Фарғона вилояти Қўштепа тумани Хумдон МФЙда алоқа сифати яхши эмас, “Ўзмобайл” компанияси бир йилдан бери антенна ўрнатамиз деб қўйнимизни пуч ёнғоққа тўлдириб келади. Илтимос, алоқа ва интернет сифатини яхшилаб беришсин!”  – дея хабар қилинган.

Қўштепа тумани Хумдон МФЙдан йўлланган ушбу мурожаат юзасидан “Ўзбектелеком” акциядорлик компанияси Фарғона филиали Қўштепа телекоммуникация боғламаси қуйидагиларни маълум қилади: “Хумдон маҳалласида “Ўзбектелеком” акциядорлик компанияси Фарғона филиали Қўштепа телекоммуникация боғламаси томонидан 7 км оптик толали алоқа линиялари тортилиб, эхтиёжи бор 30 дан ортиқ хонадонларга хизмат кўрсатилмоқда.

Хумдон маҳалласидаги қабристонга антенна ўрнатилган бўлиб, лекин якуний станцияни ўрнатиш ишлари тугалланмаган. Бунга сабаб аҳолининг “антенна радиация тарқатади, бу соғлиққа зарар” деган эътирози бўлган. Хумдон МФЙда мобил алоқа сифатини яхшилаш билан боғлиқ ишлар “Ўзмобайл” компанияси томонидан олиб борилишини маълум қиламиз.”   

Қўштепа тумани ҳокимлиги Ахборот хизмати.

Бизни ижтимоий тармоқларда кузатинг
Facebook, Telegram