1. Бош сахифа
2. Янгиликлар

ТУРКИЯ ЧАРМ-ПОЙАБЗАЛ УЮШМАСИ ҲАМДА ИНВЕСТОРЛАРИ БИЛАН ҲАМКОРЛИК ЙЎЛГА ҚЎЙИЛМОҚДА

×

Қўштепа тумани ҳокимлиги ҳамда чарм-пойабзал ишлаб чиқарувчи тадбиркорлардан ташкил топган делегация яқинда Туркия Республикасига ўз ташрифларини амалга оширди. Ушбу сафар таассуротлари ҳақида Қўштепа тумани ҳокимининг ўринбосари - Инвестициялар ва ташқи савдо бўлими бошлиғи Рустамжон Позилжонов биз билан ҳамсуҳбат бўлди.

- Делегациянинг ўз олдига қўйган асосий мақсадлари 2021 йилда Туркия Республикаси иқтисодиётида чарм-пойабзал ишлаб чиқариш ва экспорт қилиш ҳажми 4,2 млрд доллар улушга эга бўлганлиги сабабларини ўрганиш, Туркиядан чарм-пойабзал саноат зоналарини фаолиятини ўрганиб, уларнинг тажрибасини вилоятга тадбиқ этиш ва ушбу соҳага юқори тажрибали мутахассисларни таклиф қилган ҳолда ҳамкорликда ишлаш, туманда ташкил этилаётган “Чарм-пойабзал савдо маркази”га Туркия чарм-пойабзал уюшмаси ҳамда инвесторлари билан ҳамкорлик йўлга қўйишдан иборат эди.

Делегация аъзоларининг ташрифи 22 август душанба кунидан бошланди ва шу куннинг ўзида “Aykosan” саноат зонасига ташриф буюрилди. Ушбу саноат зонаси 2 та алоҳида қисмлардан иборат бўлиб,

бири 1985 йилда иккинчиси эса 2010 йилда қуриб битказилган. Жами ер майдони 33 гектардан иборат. Ҳар бир тадбиркор учун 3 ҳамда 4 қаватли бинолардан 400-500 кв метр майдонлар ажратилган. Бинонинг ер тўла қисмида омборхона, биринчи қаватида “SHowroom”, иккинчи ва учинчи қаватларида ҳомашёдан тайёр маҳсулотгача бўлган ишлаб чиқариш жараёни амалга оширилса, тўртинчи қаватида эса ишчилар учун махсус хоналар жойлашган экан.

Саноат зонада жойлашган йирик чарм-пойабзал ишлаб чиқарувчи “Bayhan” корхонаси фаолияти билан яқиндан танишдик. Ушбу корхона

30 йиллик фаолиятга эга бўлиб, бугунги кунда терининг барча турларини қайта ишлаш қувватига эга эканлиги ва ушбу йўналишда фаолият олиб бораётган тадбиркорлар билан фикр алмашилди. 

Бундан ташқари саноат зонасида жойлашган ўзини брендига эга бўлган яна бир йирик ишлаб чиқарувчи “Impero shoes” корхонасиниг эркаклар ва аёллар оёқ кийимлари ишлаб чиқариш жараёнлари билан танишдик. Корхонанинг “SHowroom”ида эса музокаралар олиб борилди. Корхона фаолияти давомида ишлаб чиқаришда ва маҳсулотни ички ҳамда ташқи бозорларга сотишда асосий босқичлари нарх ва сифат борасида тажриба алмашилди.

Шунингдек, 1995 йилдан бери фаолият кўрсатиб келаётган “Osaka only” болалар ва аёллар учун мўлжалланган оёқ кийимлари ишлаб чиқарувчи корхонанинг иш бошқарувчиси Хитой давлати фуқароси Линда Даи ҳамроҳлигида корхонанинг ишлаб чиқариш жараёнлари ҳамда қайси турдаги дастгоҳлардан фойдаланиш юқори самарадорлик бериши бўйича тажриба алмашилди. Музокаралар давомида Линда Даи хонимга туманда янги ташкил этилаётган чарм-пойабзал саноат зонаси тўғрисида батафсил маълумотлар берилди ҳамда Линда Даи томонидан ушбу саноат зонасига қизиқиш билдирилди.

Шу билан бирга, Фарғона вилояти ва туманларида хар қандай давлат билан икки томонлама манфаатли бўладиган инвестиция лойиҳаларини қонун доирасида амалга оширишга рухсат этилганлиги ҳамда тадбиркорлар ва инвесторлар учун барча зарурий имтиёзлар берилаётганлиги билдирилди.

Линда Даи эса Хитой давлатида чарм-пойабзал ишлаб чиқариш бўйича юқори салоҳиятли сармоядор шериги борлигини ҳамда келажакда Фарғона вилоятида болалар ва катталар учун мўлжалланган оёқ кийимлари ишлаб чиқариш лойиҳасини амалга ошириши мумкинлигини билдириб, Хитой давлатидаги чарм-поябзал ишлаб чиқарувчи тажрибали тадбиркор билан алоқалар ўрнатиш учун амалий ёрдамлар кўрсатилди.

Саноат зоналаридан ташқари, ишлаб чиқариши ва экспорти асосан Европа давлатларига мўлжалланган Туркиянинг энг йирик брендларидан бири “Ceyo” корхонаси билан билан яқиндан танишилди. Ушбу корхонада бугунги кунда 400 нафар малакали ишчи ходим ҳамда мутахассислардан ташкил топган катта жамоага эга эканлиги делегация аъзоларида катта таассурот қолдирди. Асосан Европа ва дунёнинг бошқа ривожланган давлатларига пойабзал маҳсулотлари экспортини йўлга қўйган ушбу корхона раҳбарининг ўринбосари Наки Колсуз томонидан корхонанинг

60 йиллик тажрибаси, эришилган ютуқлари, ҳозирда қайси дастгоҳлардан фойдаланиши ва дунё бозорларига чиқиш тўғрисида ўз тажрибаларидан келиб чиқиб кўрсатмалар берилди ҳамда келгусида ҳамкорликда ишлашга келишилди.

Ташриф давомида Истанбул яқинида жойлашган Икителли ҳудудидаги “Дерсанкооп Санайи” саноат зонасига ҳам ташриф буюрилиб, 300 нафар ишчи ходимга эга бўлган “Stroll” эркаклар ва аёллар оёқ кийими ишлаб чиқарувчи корхонада ҳам бўлдик. Корхона раҳбари Али Ямак делегация аъзоларини 20 йиллик корхона фаолияти билан яқиндан таништирди. Корхона маҳсулотларининг сифати ва чидамлилигини энг машҳур брендлардан бири “Adidas” билан ҳамкорликда иш олиб бораётганлигидан ва ушбу савия, салоҳиятга эришиш бўйича корхона мутасаддиларидан етарли маълумотлар олинди. Келажакда юқори даромадли инвестицион лойиҳа таклифлари бўлса ҳамкорликда ишлаш бўйича келишилди.

Шунингдек, делегация аъзолари томонидан ҳам ҳамкорликда ишлаш, тажриба алмашиш, ишлаб чиқариш жараёнларини замонавий техникалар билан бойитиш юзасидан бир қатор таклифлар берилди. Жумладан, қўшни Кирғизистон, Тожикистон ҳамда Афғонистон давлатларига чарм-поябзал маҳсулотлари экспорти билан шуғулланувчи “Камрон пойабзал” МЧЖ раҳбари Х.Хошимов туркиялик тадбиркорлардан бир қанча янги оёқ кийимларни ишлаб чиқариш қолиблари (падож) қуйдириб олинди ва келгусида ҳамкорликда ишлашга келишилди.

Бизни ижтимоий тармоқларда кузатинг
Facebook, Telegram