1. Бош сахифа
2. Янгиликлар

ИЗЛАГАН ИМКОН ТОПАР 

×

#Инсон_қадри_учун

Орамизда касби ортидан нафақат оиласига, балки бошқаларга ҳам наф келтираётган, уларнинг кўнглини топиб, мушкулини осон қилаётган инсонлар жуда кўп. Қўштепа туманидаги Кичик Бешкапа маҳалла фуқаролар йиғинида истиқомат қилувчи Одинахон Нишонова ана шундай касб эгаси.

Одинахон Нишонова “Аёллар дафтари”нинг 2-босқичида рўйхатга олинган эди. У банкдан кредит олиб, тикув машинаси ва хом ашё харид қилди. Қисқа фурсатда фаолиятини кенгайтириб, миллий ҳунармандчилик йўналишида иш бошлади. Маҳалладаги ўзи сингари ишсиз аёллар билан чорси тикишни йўлга қўйди. Айни кунларда фаолиятни кенгайтирган Одинахон уста-шогирд анъаналарини ҳам давом эттириб келмоқда.

Бугун Кичик Бешкапа маҳалла фуқаролар йиғинида “Тадбиркор аёл эъзозда” мавзусида ташкил этилган тадбирда, иштирокчилар Одинахон Нишонованинг хонадонига ташриф буюрдилар. 

Тадбирда туман ҳокими ўринбосари – оила ва хотин-қизлар бўлими бошлиғи Д.Олимова ҳам иштирок этиб, иш билан таъминланган 10 нафар ишсиз хотин-қизларга меҳнат дафтарчалари ва эсдалик совғаларини топширди.

Бизни ижтимоий тармоқларда кузатинг
Facebook, Telegram