1. Бош сахифа
2. Янгиликлар

“ҲОКИМ ВА БИТИРУВЧИЛАР УЧРАШУВИ” ЎТКАЗИЛДИ

×

Қўштепа туманидаги 50-умумий ўрта таълим мактабида 3.37.50-мактабларнинг 100 нафардан зиёд битирувчи ёшлари билан “Ҳоким ва битирувчилар учрашуви” бўлиб ўтди. Унда тумандаги масъул идораларнинг раҳбарлари ҳам иштирок этишди.

Тадбир аввалида туман ҳокими Илёсбек Новиков ёшлар учун яратилаётган имкониятлар ҳақида гапириб ўтди. Учрашувда битирувчилар ҳам юртимизда ёшлар учун яратилаётган имкониятлардан мамнун эканликларини таъкидлаб ўтишди.

Олий таълим муассасалари битирувчилари асосан ишга жойлашиш, тадбиркорлик билан шуғулланиш каби масалаларда мурожаат қилишди. Туман ҳокими ҳар бир мурожаат юзасида батафсил тушунча ва тавсиялар берди. Бундан ташқари, ташкилот раҳбарлари ҳам берилган саволларга атрофлича жавоб қайтаришди.

Албатта, бу каби тадбирларнинг ташкил этилиши ёшлар ўртасидаги муаммоларнинг ўз вақтида ечим топишига имконият яратади. Ишонамизки, битирувлар янги ҳаётга қадам ташлаб, ўз имкониятларидан самарали фойдаланган ҳолда юртимиз тараққиётига муносиб ҳисса қўшадилар.

Бизни ижтимоий тармоқларда кузатинг
Facebook, Telegram