1. Бош сахифа
2. Янгиликлар

АРЗОНЛАШТИРИЛГАН ОЗИҚ-ОВҚАТЛАР САВДО ЯРМАРКАСИ ТАШКИЛ ЭТИЛДИ

×

Қўштепа туманида озиқ-овқат хавфсизлигини таъминлаш ва ички бозорда нарх-наво барқарорлигини сақлаш чора-тадбирлари юзасидан манзилли ишлар олиб борилаяпти.

Хусусан, озиқ-овқат маҳсулотлари нархларини барқарорлигини таъминлаш мақсадида Қўштепа туманидаги “Деҳқон бозори”да сектор раҳбарлари, туман ДСИ ва “Деҳқон бозори” МЧЖ томонидан аҳоли учун арзонлаштирилган озиқ-овқатлар савдо ярмаркаси ташкил этилди.

Бунда аҳоли учун энг зарур бўлган гўшт, ун, тухум, шакар, ёғ каби маҳсулотлар мунтазам сотилмоқда. Шу ўринда бу маҳсулотларни нархларини назорот қилиш, нархларнинг асоссиз оширилишига йўл қўймаслик ва албатта аҳоли фикрлари билан яқиндан танишиш мақсадида солиқ ходимлари ишчи гуруҳ ҳамкорлигида бозорларда кунлик назорат ўрнатилган.

Бугунги кунда “Деҳқон бозори” МЧЖда ташкил этилган ярмаркада мол гўшти 60 минг сўмдан, шакар 12 минг сўмдан, картошка 3 минг сўмдан, пиёз 2 минг сўмдан 3 минг сўмгача, сабзи 2,5 минг сўмдан, ўсимлик ёғи 19 минг сўмдан 20 минг сўмгача, гуруч 5,5 минг сўмдан тортиб, 12 минг сўмдан ошмаган нархларда сотилмоқда.

Бизни ижтимоий тармоқларда кузатинг
Facebook, Telegram