1. Бош сахифа
2. Янгиликлар

#ЖАРАЁН

×

Ўзбекистон Республикаси оила ва хотин-қизлар давлат қўмитаси Фарғона вилояти Қўштепа туман бўлимининг Аёлларни реабилитация қилиш ва мослаштириш маркази, Ёшларни оилавий ҳаётга тайёрлаш маркази ҳамда Хотин-қизлар тадбиркорлик марказларининг очилиш маросими бўлиб ўтди.

Унда Қўштепа тумани ҳокими Илёсбек Новиков, Република Оила ва хотин-кизлар давлат кўмитасидан Муқаддасхон Расулова, Фарғона вилояти “Қалб нури” ННТ раҳбари Дамирахон Тўхтасинова, шунингдек, туман ҳокими ўринбосари Дилзодахон Олимова, ҳамкор ташкилот раҳбарлари ҳамда маҳаллалардаги хотин-қизлар фаоллари иштирок этишди.

Марказлар хотин-қизларни тадбиркорликка йўналтириш, никоҳланувчи шахсларни оилавий-ҳуқуқий муносабатлар, оилавий ҳаёт психологияси, оила иқтисоди ва бюджети, репродуктив саломатлик асослари, маънавий-ахлоқий қадриятларни мустаҳкамлаш масалалари бўйича иш олиб бориши тантанада алоҳида таъкидланди.

Анъанага мувофиқ рамзий лента қирқилиб, иштирокчилар марказларда ишчи-ходимлар ва фуқароларга яратилган шароитлар билан танишдилар.

Шунингдек, ҳунарманд хотин-қизлар томонидан тайёрланган кўргазмалар ҳам кўздан кечирилди.

Бизни ижтимоий тармоқларда кузатинг
Facebook, Telegram