1. Бош сахифа
2. Янгиликлар

“ОНАЛАРГА ЭҲТИРОМ” ФЕСТИВАЛИ ТУМАН БОСҚИЧИ ҒОЛИБЛАРИНИ ТАҚДИРЛАШ МАРОСИМИ ЎТКАЗИЛДИ

×

Вилоят ҳокими ташаббуси билан вилоятимизда энг муқаддас зот ҳисобланган ОНАларга эҳтиром ва ҳурмат кўрсатиш, эъзозлаш мақсадида мана икки йилдирки, вилоят миқёсида "Оналарга эҳтиром" фестивали ўтказилиб келинмоқда.

Хусусан, бугун Бугун қўштепа туманидаги “Истиқлол” маданият марказида фестивалнинг туман босқичи кўтаринки кайфиятда ўтказилди.

Тадбирда Қўштепа тумани ҳокими Илёсбек Новиков ва сектор раҳбарлари ҳамда бир неча кундан буён туманимизда меҳмон бўлиб турган элимиз ардоғидаги санъаткорлар иштирок этишди.

Тадбир давомида жами 22 та номинациялар бўйича танловнинг туман босқичида ғолибликни қўлга киритган иштирокчилар туман ҳокимлигининг дипломлари ва эсдалик совғалари билан тақдирланиб, фестивалнинг вилоят босқичида иштирок этиш учун йўлланмаларни қўлга киритдилар.

Бугунги тадбирда Ўзбекистон давлат драма театри актрисаси Муҳаббат Абдуллаева, Ўзбекистонда хизмат кўрсатган артист Абдулхай Каримов, эстрада хонандаси Умид Шаҳобов, эстрада хонандаси Гуласал Абдуллаева, Ўзбекистон Республикаси қуролли кучлари ансамбили хонандаси Бобуржон Худойқулов, Ўзбекистон Республикасида хизмат кўрсатган маданият ходими, Қорақалпоғистон халқ шоири Рустам Мусурмон, Республика маънавият ва маърифат тарғиботчиси Обиддин Маҳмудовлар иштирок этиб, ўзларининг ижод намуналаридан Қўштепалик опа-сингилларимизни бахраманд этишди.

Бизни ижтимоий тармоқларда кузатинг
Facebook, Telegram