1. Бош сахифа
2. Янгиликлар

ҲОКИМ ЁРДАМЧИЛАРИГА ПЛАНШEТЛАР ТОПШИРИЛДИ

×

Туман ҳокимлигининг катта мажлислар залида бўлиб ўтган учрашувда Ўзбекистон Республикаси Президентининг 2021 йил 3 декабрдаги “Маҳаллада тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича ҳоким ёрдамчилари фаолиятини ташкил этиш чора-тадбирлари тўғрисида” ги ПҚ-31-сонли қарори ижросини таъминлаш мақсадида Қўштепа туманидаги 51 та маҳалла фуқаролар йиғинларида фаолият олиб бораётган ҳоким ёрдамчиларининг ҳар бирига хизмат фаолиятида фойдаланишлари учун махсус планшетлар топширилди.

Тадбирда туман ҳокими И.Новиков ва сектор раҳбарлари шунингдек, ҳоким ўринбосарлари қатнашдилар.

Дарҳақиқат, ҳоким ёрдамчиларига қулай-шароитлар яратиш орқали, уларнинг иш самародорлиги ортиб бормоқда. Эндиликда, ҳоким ёрдамчилари ўзларига берилган планшетларда ахборот алмашиш, мурожаатларни онлайн тарзда қабул қилиш ва фуқароларнинг муаммоларини ўз вақтида тинглаш имкони мавжуд бўлди.

Бизни ижтимоий тармоқларда кузатинг
Facebook, Telegram