1. Бош сахифа
2. Янгиликлар

МАХСУС ЎҚУВ СЕМИНАР БЎЛИБ ЎТДИ

×

Вилоятимиздаги барча туман-шаҳарларда бўлгани каби Қўштепа туманида ҳам Маҳалла хотин-қизлар фаоли лавозимига сараланган номзодларнинг фаолиятга самарали киришиш учун талаб этиладиган билим ва кўникмаларини шакллантириш мақсадида тумандаги маҳалла фуқаролар йиғинига танлаб олинган номзодларга махсус ўқув семинар бўлиб ўтди. 

Тумандаги 15-сонли болалар мусиқа ва санъат мактабида бўлиб ўтган махсус ўқув семинарда Фарғона Давлат университети ўқитувчиси, педагогика фанлари бўйича фалсафа доктори, тренер-модератор Х.Юлбарсова ва туман ҳокимининг ўринбосари – оила ва хотин-қизлар бўлими бошлиғи Д.Олимова ҳамда тумандаги масъул идораларнинг раҳбарлари иштирок этишди.

Икки кун давом этган семинарда хотин-қизлар фаолларига ушбу жараёнда олган билим, кўникмаларини маҳаллада синаш, қўллаш, эрта ажримни олдини олиш, маҳалладаги тинч-осуда ҳаётни барқарор сақлаш каби муҳим масалалар юзасидан тавсиялар берилди.

Шунингдек, келгусида амалга оширилиши лозим бўлган вазифалар ҳам белгилаб олинди. Семинар давомида иштирокчилар томонидан берилган саволларга мутахассислар томонидан батафсил жавоблар берилди.

Бизни ижтимоий тармоқларда кузатинг
Facebook, Telegram