1. Бош сахифа
2. Янгиликлар

ЯНГИ ЖОРИЙ ЭТИЛГАН МАҲАЛЛА ХОТИН-ҚИЗЛАР ФАОЛЛАРИ УЧУН СЕМИНАР ТАШКИЛ ЭТИЛДИ

×

Бугун Қўштепа тумани ҳокимлигининг катта мажлислар залида янги жорий этилган маҳалла Хотин-қизлар фаоли лавозимида иш фаолиятларини бошлаган хотин-қизлар учун семинар ташкил этилди. Унда туман ҳокими И.Новиков, вилоят ҳокими ўринбосари, Оила ва хотин-қизлар бошқармаси бошлиғи К.Кавлонова, туман ҳокими ўринбосари, Оила ва хотин-қизлар бўлими бошлиғи Д.Олимовалар иштирок этишди.

Семинарда К.Кавлонова Ўзбекистон Республикаси Президентининг 2022 йил 1 март кунги “Оила ва хотин-қизлар билан ишлаш, маҳалла ва нуронийларни қўллаб-қувватлаш тизимини такомиллаштириш чора-тадбирлари тўғрисида”ги 81-сонли Фармони, Ўзбекистон Республикаси Президентининг 2022 йил 1 мартдаги “Оила ва хотин-қизлар давлат қўмитаси фаолиятини ташкил этиш тўғрисида”ги 146-сонли қарори, Ўзбекистон Республикаси Вазирлар Маҳкамасининг 2022 йил 31 март кунги “Аёллар муаммоларини ўрганиш ва ҳал этиш тизимини янада такомиллаштириш чора-тадбирлари тўғрисида”ги 145-сонли қарорининг мазмун-моҳияти ҳақида батафсил тушунча берди.

Шунингдек, семинар давомида “Аёллар дафтари” 3-босқичи ҳамда Хотин-қизлар балансини юритиш тартиблари бўйича ҳам тавсия ва кўрсатмалар берилди.

Бизни ижтимоий тармоқларда кузатинг
Facebook, Telegram