1. Бош сахифа
2. Янгиликлар

#СЕМИНАР

×

Бугун Қўштепа тумани ҳокимлигида Фуқаролар йиғинлари (оқсоқоллар) сайловини ташкил этиш ва ўтказиш бўйича ўқув семинар бўлиб ўтди.

Семинарда туман ҳокимининг ўринбосарлари, туман Кенгаши депутатлари, маҳалла ва нуронийларни қўллаб-қувватлаш бўлими бошлиғи ва ходимлари, Фуқаролар йиғинлари (оқсоқоллари) сайловига кўмаклашувчи туман комиссияси аъзолари, маҳаллаларда ташкил этилган ишчи гуруҳ раислари, котиблари ва аъзолари иштирок этишди.

Семинарда туман ҳокими Илёсбек Новиков, шунингдек, Фуқаролар йиғинлари (оқсоқоллари) сайловига кўмаклашувчи вилоят комиссия раиси Зокиржон Зохидов, вилоят ҳокимлиги ҳузуридаги ўзини ўзи бошқариш органлари ходимлари малакасини ошириш институти раҳбари Адхамжон Ахмедовлар ҳам қатнашди.

Ўқув семинар давомида қатнашчиларга фуқаролар йиғинлари (оқсоқоллари) сайловига тайёргарлик кўриш ва ўтказиш бўйича тушунтириш ва тавсиялар берилди. Ўз навбатида иштирокчилар ҳам савол-жавоблар билан фаол иштирок этишди.

Бизни ижтимоий тармоқларда кузатинг
Facebook, Telegram