1. Бош сахифа
2. Янгиликлар

ҚИЙҚИ МАҲАЛЛАСИДА 32 НАФАР ИШСИЗ ФУҚАРОЛАРГА 10 СОТИХДАН ЕР МАЙДОНИ АЖРАТИБ БЕРИЛДИ

×

Президент қарори асосида мамлакатимизнинг барча ҳудудларида фермер хўжаликлари ва кластерлар фойдаланишидаги паст ҳосилли пахта ва ғалла экинларидан қисқартирилган ерлар ҳисобидан фуқароларга ер майдонлари ажратиляпти.

10 сотихдан 1 гектаргача бўлган ўлчамдаги ерлар очиқ электрон танлов орқали ижара ҳуқуқи асосида берилмоқда. Бу имкониятдан асосан “Ёшлар дафтари”, “Аёллар дафтари” ва “Темир дафтар”га киритилган ишсиз фуқаролар фойдаланмоқдалар.

Қўштепа туманидаги Қийқи маҳалла фуқаролар йиғинида ҳам ҳоким ёрдамчиси Б.Таниқуловнинг ташаббуси билан 32 нафар фуқарога 10 сотихдан 3,2 гектар ер майдони очиқ электрон танлов орқали ижара ҳуқуқи асосида ажратиб берилди. Улар маҳалланинг “Аёллар дафтари” ва “Ёшлар дафтари”да турувчи, шунингдек, талабгор фуқаролардир.

Айни кунларда “Қўштепа умиди” мева-сабзавотчилик кластери томонидан фуқароларга берилган 3,2 гектар ер майдонида картошка экиш ишлари олиб борилмоқда.

Бизни ижтимоий тармоқларда кузатинг
Facebook, Telegram