1. Бош сахифа
2. Янгиликлар

ҚЎШТЕПАДА “МАҲАЛЛА ТИЗИМИ ХОДИМЛАРИ КУНИ” НИШОНЛАНДИ

×

Юртимизда “22-март – Маҳалла тизими ходимлари куни” сифатида нишонланиб келинмоқда. Ушбу сана муносабати билан бугун, Қўштепа туманидаги “Ўқчи саройи” тантаналар мажмуасида “Маҳалла тизими ходимлари куни” кенг нишонланди. 

Тумандаги 51 та маҳалла фуқаролар йиғинида фаолият олиб бораётган маҳалла фуқаролар йиғини раислари ва уларнинг ўринбосарлари, маҳаллалардаги ҳоким ёрдамчилари ва ёшлар етакчилари учун байрам дастурхони ёзилди.

Тадбирда туман ҳокими И.Новиков ва сектор раҳбарлари ҳам иштирок этдилар.

Шунингдек, туман маданият бўлимининг хушовоз хонандалари кечага завқ улашди.  

Тадбир сўнгида маҳалла тизимида фаолият олиб бораётган бир гуруҳ ходимларга эсдалик совғалари топширилди. 

Бизни ижтимоий тармоқларда кузатинг
Facebook, Telegram