1. Бош сахифа
2. Янгиликлар

“ЯНГИ ЎЗБЕКИСТОН ЁШЛАРИ КЕЛАЖАК ПОЙДЕВОРИ”

×

Ўзбекистон Республикаси Президентининг 2022-йил 19-январдаги ПҚ-92-сонли “Маҳаллаларда ёшлар билан ишлаш тизимини тубдан такомиллаштириш тўғрисида”ги қарори ижросини таъминлаш мақсадида Қўштепа туманидаги Ғиштмон маҳалла фуқаролар йиғини ҳудудида ёшлар ўртасида “Янги Ўзбекистон ёшлари келажак пойдевори” шиори остида тадбир бўлиб ўтди.

Туман ҳокимлиги, Шарқий ҳарбий округи ҳарбий қисмлари ҳамда Миллий гвардиянинг Фарғона вилояти бошқармаси билан ўзаро ҳамкорликда ташкил этилган тадбирда вилоят ҳокимининг ўринбосари Ф.Қосимов, туман ҳокими И.Новиков,  ДХХ Марғилон шаҳар бўлими бошлиғи Ш.Хатамов ва сектор раҳбарлари ва нуронийлар иштирок этишди.

Тадбир давомида “Саломатлик сари 5000 қадам” юриш марафони бўлиб ўтди. Шунингдек, ёшлар ўртасида бадантарбия машқлари, мини футбол, волейбол, стол тенниси, арқон тортиш, тош кўтариш, камондан ўқ отиш, ҳаволи қуролдан ўқ отиш, миллий кураш, шахмат-шашка, “Ош тайёрлаш” кўрик танлови, IT йўналишида “киберспорт” беллашуви, “Заковат” интелектуал ўйини ҳамда “Бир нуронийга ўн нафар ёш” лойиҳаси доирасида нуроний ва ёшлар учрашуви каби 15 турдаги маънавий-маърифий беллашувлар ва спорт мусобоқалари бўлиб ўтди. 

Тадбир сўнгида ғолиблар ҳомийлар томонидан эсдалик совғлари билан тақдирландилар. 

Бизни ижтимоий тармоқларда кузатинг
Facebook, Telegram