1. Бош сахифа
2. Янгиликлар

ИЖТИМОИЙ ТАРМОҚЛАРДА ТАРҚАТИЛГАН ХАБАРГА МУНОСАБАТ

×

Жорий йил 4-январ куни ижтимоий тармоқлар орқали танқидий мурожаат эълон қилинган эди.

Ушбу мурожаатда: – “Фарғона вилояти Қўштепа тумани Эшонгузар МФЙ Саодат кўчаси 5-уй ёнидаги эски симёғоч қаттиқ шамол бўлса қулаши мумкин. Бирон кор-ҳол бўлмасдан, янги бетон устунга алмаштириб беришларини сўраймиз” – дея шикоят қилинган. 

Ушбу мурожаат юзасидан туман Электр тармоқлари корхонаси томонидан ўрганиш ўтказилганида, фуқаро томонидан электр тармоқлари муҳофаза майдонига ўзбошимчалик билан уй-жой қуриб олганлиги ҳамда симёғочнинг бетон таянч ва ёғоч қисми оралиғига пона қоқиб қийшайтирганлиги аниқланди. 

Туман электр тармоқлари корхонаси ходимлари томонидан қийшайган симёғоч тўғриланиб, бошқа жойга кўчириб берилди ҳамда бундай ҳолат такрорланмаслиги учун маҳалла ҳудудида тушунтириш ишлари олиб борилди.

Қўштепа тумани ҳокимлиги Ахборот хизмати.

Бизни ижтимоий тармоқларда кузатинг
Facebook, Telegram