1. Бош сахифа
2. Янгиликлар

ТАРҒИБОТ ТАДБИРЛАРИ ДЕҲҚОН БОЗОРИДА ДАВОМ ЭТДИ

×

Қўштепа тумани ҳокимининг хотин-қизлар масалалари бўйича маслаҳатчиси М.Мўйдинова туманимиздаги хотин-қизлар жамоатчилик кенгаши ҳамда хотин-қизлар тарғибот гуруҳи вакиллари билан ҳамкорликда деҳқон бозорида савдо-сотиқ фаолияти билан шуғулланаётган хотин-қизлар билан суҳбат ўтказиб, уларга яратилган шарт-шароитлар ва қулайликлар билан танишдилар. Тадбиркор аёлларимизга тадбиркорликни қўллаб- қувватлаш мақсадида белгиланган имтиёз ва имкониятлар, хотин-қизларнинг кийиниши, муомала ҳамда савдо маданияти ҳақида тушунчалар берилди.

Қолаверса, вояга етмаган мактабдан бўш вақтида ота-онаси билан савдо қилаётган қизлар ва уларнинг ота-оналари билан таълим тўғрисидаги қонун талаблари, ота-онанинг фарзандлари олдидаги бурч ва мажбуриятлари ҳақида профилактик суҳбат ўтказилди. Бундай ота-оналар ва улар таълим оладиган ўқув муассасалари огоҳлантирилди.

Шунингдек, маҳалла тарғибот гуруҳи аъзолари томанидан ҳам маҳаллаларда, хонадонларда ўқув муассасаларида тарғибот тадбирлари ўтказилди. Бундан кўзланган мақсад хотин-қизларни ижтимоий-сиёсий фаоллиги, ҳуқуқий саводхонлигини ошириш, кийиниш ва муомала маданиятини тартибга солишдан иборатдир.

Қўштепа тумани ҳокимлиги

Бизни ижтимоий тармоқларда кузатинг
Facebook, Telegram