1. Бош сахифа
2. Янгиликлар

2-СЕКТОР ХАБАРЛАРИ

×

Қўштепа тумани прокурори, 2-сектор раҳбари М.Шомуродов бугун 685, 687-сонли сайлов участкаларида бўлиб, сайлов участкасининг таъмирланганлик ҳолатларини ва сайловга тайёргарлигини ўрганди. Сектор раҳбарининг амалий ёрдами билан 687-сонли сайлов участкасининг кириш эшиги янги ўрнатилиб, бартараф этилган камчиликлар сайлов “Темир дафтари”га киритилди.

Шу билан бирга, сектор раҳбарининг ташаббуси билан сайлов участкаларида туман ободонлаштириш ходимлари томонидан тозалаш ишлари олиб борилди.

Бундан ташқари, сектор раҳбари қишлоқ хўжалиги масалалари бўйича тузилган ишчи гуруҳ аъзолари билан бирга “Катта Болтакўл” МФЙдаги “Файзли Фотимахон” фермер хўжалигидаги пахта майдонларида амалга оширилаётган ишлар билан танишди.

Шунингдек, туман прокурори 2-сонли ИДУМИ биносида сайлов участка раислигига ва унинг ўринбосарлари ҳамда котиблигига номзодлар учун ташкил этилган навбатдаги ўқув-семинар дарс машғулотларида қатнашди. Ўз навбатида сектор раҳбари тингловчиларга ўзининг керакли кўрсатмаларини бериб ўтди.

М.Шомуродов “Катта Болтакўл” маҳалласининг Садаф кўчасида яшовчи “Темир дафтар”га рўйхатга олинган Қ.Холбоевнинг хонадонига ташриф буюриб, фуқаронинг яшаш шароитларини ўрганди ҳамда фуқаро билан суҳбатлашди.

Қолаверса, сектор раҳбарининг амалий ёрдами билан “Ватан” маҳалла фуқаролар йиғини Гулшан кўчасининг 800 метр қисмига шағал ётқизиш ишлари ташкил этилди.

2-сектор штаби 

Бизни ижтимоий тармоқларда кузатинг
Facebook, Telegram