1. Бош сахифа
2. Янгиликлар

АЁЛЛАРГА ҲУҚУҚИЙ МАСАЛАҲАТЛАР БЕРИШ ДАВОМ ЭТМОҚДА

×

Қўштепа туманидаги Каттаболтакўл маҳалла фуқаролар йиғини ҳудудидаги 6-умумий ўрта таълим мактабида  Каттаболтакўл, Ватан, Бўстон  маҳалла фуқаролар йиғинида истиқомат қилувчи 35 нафар муаммоли, ҳуқуқий маслаҳатга муҳтож бўлган хотин-қизлар иштирокида давра суҳбати ўтказилди. Бундан кўзланган мақсад уларнинг муаммоларини ўрганиш ҳамда ҳақ-ҳуқуқларини ҳимоя қилиш, шунингдек ҳуқуқий саводхонлигини, ижтимоий-сиёсий фаоллигини оширишдир.

Тадбирда туман ҳокимининг Хотин-қизлар масалалари бўйича маслаҳатчиси М.Мўйдинова, Адлия бўлими бошлиғи А.Хомидов ва вилоят “Меҳржон” Аёллар ва Болалар маркази томонидан ташкил қилинган юридик маркази ҳуқуқшуноси Ш.Абдураззоқовалар иштирок этишди.

Мулоқот чоғида иштирокчиларга давлатимиз томонидан хотин-қизларимизнинг ҳуқуқ ва манфаатларини ҳимоя қилиб, уларни ижтимоий-сиёсий фаоллигини ошириш жамиятда ўз ўринларини топишларига кўмак бериш, зўравонлик ва тайзиқлардан ҳимоя қилиш, гендер тенглиги масалаларида амалга оширилаётган ислоҳотлар ҳақида маълумот ва тушунчалар берилди.

Иштирокчиларнинг ижтимоий нафақа, имтиёзли уй-жой олиш, мулкий низолар, оилавий келишмовчиликлар масаласидаги сўровлари эшитилиб, мутахассислар томонидан ҳуқуқий маслаҳатлар ва тавсиялар берилди.

Қўштепа тумани ҳокимлиги

Бизни ижтимоий тармоқларда кузатинг
Facebook, Telegram