1. Бош сахифа
2. Янгиликлар

ЛОЙСОНЛИКЛАРГА ТУҲФА

×

Қўштепа туманидаги “Лойсон” маҳалла фуқаролар йиғинида оилавий шифокорлик пункти 790 миллион сўм маблағ эвазига таъмирдан чиқарилиб, фойдаланишга топширилди.

Муассасанинг очилиш маросимида туман ҳокими И.Новиков, туман ҳокими ўринбосарлари, сектор раҳбарлари, вилоят Соғлиқни сақлаш бошқармаси бошлиғи Ҳ.Мамажонов, туман тиббиёт бирлашмаси ходимлари  ҳамда маҳалладаги нуроний кексалар иштирок этдилар.

Туман ҳокими ўз сўзида юртимизда инсон ва унинг саломатлиги энг муҳим омил эканлиги, олис қишлоқлар аҳлининг саломатлигини сақлаш мақсадида олиб борилаётган бунёдкорлик ишлари бунинг исботи эканлигини алоҳида таъкидлади.

Тадбир давомида маҳалладаги нуроний кексалар ҳам туманимизда олиб борилаётган бунёдкорлик ишларидан мамнун бўлиб, дуога қўл очдилар.

Ушбу оилавий шифокорлик пунктининг фойдаланишга топширилиши ва бу ерда яратилган барча қулайликлар маҳалла аҳли учун ажойиб туҳфа бўлди.

Қўштепа тумани ҳокимлиги Ахборот хизмати.

Бизни ижтимоий тармоқларда кузатинг
Facebook, Telegram