1. Бош сахифа
2. Янгиликлар

2-СЕКТОР ХАБАРЛАРИ

×

Қўштепа тумани прокурори, 2-сектор раҳбари М.Шомуродов бугун 6-сонли умумий ўрта таълим мактабида бўлиб, дарс жараёнлари ва ташкил этилган қўшимча тўгараклар фаолияти билан танишди. Мактаб битирувчилари билан суҳбатлашиб, уларнинг келажакдаги орзулари билан ўртоқлашди.

Шунингдек, сектор раҳбари жорий йилда Ўзбекистон Республикаси Президентлигига сайлов муносабати билан ушбу мактабдаги шарт-шароитларни ўрганди ҳамда амалга оширилган ободонлаштириш ишлари билан танишди.

Сектор раҳбари ва туман ҳокими И.Новиков Сармазор ва Баландмасжид МФЙда "Аёллар дафтари"га рўйхатга олинган С.Тошхўжаева ҳамда М.Усмоноваларнинг хонадонида хомийлар томонидан олиб борилаётган қурилиш жараёнлари билан танишдилар.

Сектор раҳбари қишлоқ хўжалиги масалалари бўйича тузилган ишчи гуруҳ аъзолари томонидан дала майдонларида олиб борилаётган ишлар билан танишиб, фермер хўжалиги раҳбарларига ўзининг тегишли топшириқларини берди.

Сектор раҳбари эҳтиёжманд оилаларнинг ҳолидан хабар олиш мақсадида Катта Болтакўл МФЙда "Темир дафтар"га рўйхатга олинган А.Жалиловнинг хонадонида бўлиб, фуқаронинг яшаш шароитларини ўрганди. Фуқарога субсидия маблағлари ҳисобидан қуриб берилган иссиқхонада олиб борилаётган ишлар билан танишди.

Шунингдек, Катта Болтакўл маҳалласида яшовчи Қ.Жўрабоева хонадонида бўлиб, ипак қурти парваришлаш жараёнларини кўздан кечирди. Сектор раҳбари фуқарога ўзининг тавсияларини берди.

Сектор раҳбарининг амалий ёрдами билан бугун Баландмасжид МФЙдаги ёшларга имтиёзли кредитлар асосида қорамоллар берилди.

2-сектор штаби.

Бизни ижтимоий тармоқларда кузатинг
Facebook, Telegram