1. Бош сахифа
2. Янгиликлар

ТАДБИРЛАР ДАВОМ ЭТМОҚДА

×

“Оналарга” эҳтиром фестивали доирасидаги тадбирлар Қўштепа туманида маҳаллалар кесимида бўлиб ўтмоқда. Бугун Соҳибкор маҳалла фуқаролар йиғинида “Оналарга эҳтиром” фестивалининг маҳалла босқичи ўтказилди.

Ушбу тадбирда маҳалла фуқаролар йиғинидан 8 та номинация ғолиблари ва уларнинг яқинлари иштирок этдилар. Танлов ғолиблари ўзларининг ибратли ҳаёт йўллари ҳақида сўзлаб, фарзандларни тарбиялаш борасидаги фикрлари билан ўртоқлашдилар.

Тадбирда туман ҳокими И.Новиков ва туман ҳокимининг хотин-қизлар масалалари бўйича маслаҳатчиси М.Мўйдоновалар иштирок этишди.

Тадбир давомида 33-мактаб ўқувчилари ва туман маданият маркази ходимлари томонидан оналарга атаб шеър, қўшиқ ва рақслар ижро этилди.

Фестивал Низоми асосида турли номинациялар бўйича ғолиб деб топилган оналарга эҳтиром кўрсатилиб, туман ҳокимлигининг эсдалик совғалари ва ташаккурномалари топширилди.

Қўштепа тумани ҳокимлиги Ахборот хизмати.

Бизни ижтимоий тармоқларда кузатинг
Facebook, Telegram