1. Бош сахифа
2. Янгиликлар

“ВОДИЙ ОВОЗИ” КЎРИК-ТАНЛОВИНИНГ ТУМАН БОСҚИЧИ ЎТКАЗИЛДИ

×

Қўштепа туманидаги 15-сонли болалар мусиқа ва санъат мактабида туман ҳокимлиги, Маданият бўлими ҳамда Республика Маънавият ва маърифат маркази туман бўлинмаси билан ҳамкорликда ёш истеъдод ва иқтидор эгаларини қўллаб-қувватлаш мақсадида “Водий овози” танловининг туман босқичи ўтказилди.

   Кўрик-танловда 20 нафардан зиёд ёшлар иштирок этдилар. Ҳакамлар хайъати томонидан иштирокчиларнинг чиқишлари адолатли баҳолаб борилди. 

Ўтказилган танлов натижаларига кўра эстрада йўналиши бўйича 1-ўринни 50-умумтаълим мактаби ўқувчиси М.Холматов, 2-ўринни Маданият маркази тўгарак раҳбари А.Шералиевлар эгаллади.

        Анъанавий ижрочилик йўналишида 1-ўринни А.Исмоилов, 2-ўринни “Ёш мақомчи” Республика танлови ғолиби А.Қосимов ҳамда Фарғона давлат университети талабаси Б.Абдужабборов, 3-ўринни Т.Қодиров ва 6-умумтаълим мактаби ўқувчиси З.Пўлатовлар эгалладилар. 

    Бундан ташқари кўрик-танловда Н.Охунов, З.Қосимов ва Д.Абдуҳалимовлар ҳам фаол иштирок этдилар.

  Қўштепа тумани ҳокимлиги Ахборот хизмати.

Бизни ижтимоий тармоқларда кузатинг
Facebook, Telegram