1. Бош сахифа
2. Янгиликлар

КИЧИК САНОАТ ЗОНАЛАРИ ТАШКИЛ ЭТИЛМОҚДА

×

Ўз бизнесини йўлга қўяман деган тадбиркорга нима керак? Энг аввало узоқ йиллар наф берадиган пухта ғоя, агар у ишлаб чиқариш билан боғлиқ бўлса етарли майдон, шароит ва эмин-эркин ишлаш учун имконият. У ёғига ўзи тортиб кетади.

Дарҳақиқат жойларда ишбилармонлик субъектларининг мужассам фаолиятини йўлга қўйишга мўлжалланган зарур инфратузилмага эга кичик саноат зоналарининг ташкил этилиши тадбиркорларимизга имконият эшикларини очди. 

Қўштепа туманида ҳам Йўлдошобод кичик саноат зонаси ташкил этилиб, тадбиркорлар ўз фаолиятларини олиб бормоқдалар. Шомирза, Ёшлар кичик саноат зоналарида эса қизғин иш жараёни кетмоқда. Келгусида ушбу кичик саноат зоналаридаги тадбиркорларнинг саъй ҳаракатлари билан бир нечта ишлаб чиқариш корхоналари фаолият юритади, ҳудуд аҳолиси ишли бўлади. Ички ва ташқи бозор учун саноат маҳсулотларининг тури кўпаяди.

Туман ҳокимини ўринбосари – инвестиция ва ташқи савдо бўлими бошлиғи О.Aкбаров тумандаги барча кичик саноат зоналарида бўлиб, тадбиркорлар томонидан олиб бораётган ишлар ҳамда уларнинг истиқболли бизнес лойиҳалари билан танишди.

Қўштепа тумани ҳокимлиги Ахборот хизмати.

Бизни ижтимоий тармоқларда кузатинг
Facebook, Telegram