1. Бош сахифа
2. Янгиликлар

САРДОРЛАР САРАЛАНДИ (ФОТО)

×

Ўзбекистон ёшлар иттифоқи Қўштепа туман Кенгаши, туман ҳокимлиги, туман маданият бўлими билан ҳамкорлигда «Энг намунали сардорлар Кенгаши» кўрик-танловининг туман босқичи ўтказилди.

Мазкур кўрик-танловда ҳудудий босқичларда ғолибликни қўлга киритган 6 та жамоа қатнашди. Тадбирни туман ҳокими ўринбосари А.Юсупов очиб берди ва сардорларга омад тилади. Шундан сўнг жамоалар 3 та шарт бўйича ташкил этилган беллашувда қизғин баҳс олиб бордилар.

Шартлар якуни бўйича 43-умумий ўрта таълим мактаби жамоаси фахрли 1-ўринни эгаллади. 40-умумий ўрта таълим мактаби 2-ўринни, 11-умумтаълим мактаби жамоаси эса 3-ўринни қўлга киритди.

Кўрик-танлов якунида иштирок этган жамоалар Ўзбекистон ёшлар иттифоқи Қўштепа туман Кенгашининг диплом ва эсдалик совғаси билан тақдирланди. 

Танлов сўнги ҳақиқий сардорларга хос бўлиб, байрамона куй қўшиқ ва рақсларга уланиб кетди.

Қўштепа тумани ҳокимлиги Ахборот хизмати.

Бизни ижтимоий тармоқларда кузатинг
Facebook, Telegram