1. Бош сахифа
2. Янгиликлар

4-СЕКТОР РАҲБАРИ САЙЁР ҚАБУЛ ЎТКАЗДИ

×

Бугун Файз маҳалласидаги 19-умумий ўрта таълим мактабида туман давлат солиқ инспекцияси бошлиғи, 4-сектор раҳбари З.Мирзаевнинг “Аёллар дафтари” ҳамда “Ёшлар дафтари” рўйҳатига олинган фуқаролар учун сайёр қабули ўтказилди.

Қабулда Қўштепа туманидаги мутасадди идоралар раҳбарлари ҳам иштирок этишди.

Қабул давомида асосий эътибор мурожаат билан келган фуқароларнинг муаммоларини жойида ҳал этиш, масъул раҳбарларни муаммонинг ечими билан шахсан шуғулланиш бўйича бириктиришга қаратилди.

Тадбир давомида меҳнат ярмаркаси ҳам ташкил этилди. Меҳнат ярмаркасида сектор ҳудудида “Аёллар дафтари” ҳамда “Ёшлар дафтари” рўйҳатига олинган ишсиз, касб-ҳунарга ўқиш истаги бор фуқаролар, шунингдек, ишсиз аҳоли вакиллари иштирок этдилар.

Ярмаркада 32 та корхона ва ташкилотлардаги 605 та бўш иш ўринлари рўйҳати тақдим этилиб, 5 нафар (2 нафар ёшлар 3 нафар аёллар) ишга жойлашди, 8 нафарига (5 нафар ёшлар 3 нафар аёллар) касбга таёрлаш бўйича ўқишга йўлланма берилди.

Қўштепа тумани ҳокимлиги Ахборот хизмати.

Бизни ижтимоий тармоқларда кузатинг
Facebook, Telegram