1. Бош сахифа
2. Янгиликлар

ЖАҲОЛАТГА ҚАРШИ – МАЪРИФАТ ЗАРУР

×

Қўштепа туманидаги умумий ўрта таълим мактабларида “Жаҳолатга қарши маърифат” шиори остида ўқувчи-ёшлар билан учрашувлар, маданий-маърифий тадбирлар ўтказиб келинмоқда.

Унда дунёда юз бераётган мураккаб геосиёсий ва ғоявий-мафкуравий жараёнларнинг мазмун-моҳияти, терроризм, диний экстремизм, ақидапарастлик, сепаратизм, одам савдоси, «оммавий маданият» ва бошқа таҳдидларга қарши самарали ғоявий кураш олиб боришга оид давра суҳбатлари уюштириляпти.

Жумладан, бугун туман ҳокимининг маслаҳатчиси У.Холматов, туман бош имом-хатиби А.Ахмадалиев, Республика Маънавият ва маърифат маркази Қўштепа туман бўлинмаси раҳбари Н.Отабеков ҳамда ҳуқуқ-тартибот идоралари ходимлари ҳамкорлигида 45-умумий ўрта таълим мактабида ана шундай маънавий-маърифий тадбир ташкил этилди.

Тадбир давомида ота-онага ҳурмат, одоб-аҳлоқ қоидалари, ёшлар ўртасида жиноятчилик ва турли диний ёд ғояларни олдини олиш ва унинг салбий оқибатлари ҳақида ўқувчиларга тушунчалар берилди.

Қўштепа тумани ҳокимлиги Ахборот хизмати.

Бизни ижтимоий тармоқларда кузатинг
Facebook, Telegram