1. Бош сахифа
2. Янгиликлар

АЛИШЕР НАВОИЙ ҒАЗАЛ МУЛКИНИНГ СУЛТОНИ

×

Қўштепа туманида сўз мулкининг султони, ўзбек адабий тилининг асосчиси Ҳазрат Мир Алишер Навоий таваллудининг 580 йиллиги муносабати билан адабий-бадиий тадбирлар бўлиб ўтмоқда.

Ана шундай тадбирлардан бири бугун Маданият бўлими, Қумтепа маданият маркази ва 14-умумтаълим мактаби билан ҳамкорликда ўтказилди. Бўлиб ўтган адабий, бадиий кеча “Алишер Навоий ғазал мулкининг султони” деб номланди. 

Тадбирда Алишер Навоий ҳаёти ва ижоди ҳақида маърузалар ўқиб эшиттирилди. Кечда мактаб ўқувчилари томонидан тайёрланган саҳна кўриншлари ҳамда маданият марказлари ходимлари М.Раҳмонов, Ш.Мавлянов, К.Фозилов, С.Рахматов, М.Қосимов, М.Ўрмановлар томонидан Алишер Навоий қаламига мансуб миллий қўшиқлар ижро этилиб, барчага бирдек манзур бўлди. 

Шунингдек, тадбир доирасида викторина ўйинлари ўтказилиб, фаол иштирок этган ёшлар эсдалик совғалари билан тақдирландилар.

Алишер Навоийнинг 580 йиллиги муносабати билан Сармазор маҳалла фуқаролар йиғинида ҳам маданий-маърифий тадбир ўтказилди. 

Табдирда туман маданият бўлими хонандалари С.Азимов, М.Қосимов, М.Рахмоновлар ҳамда Маданият маркази қошидаги “Кабутар” фольклор этнографик халқ жамоаси томонидан Навоий ижодига оид қўшиқ, ғазал, рубоий ва саҳна кўринишлари ижро этилди.

А.Аҳмаджонов,  

Маданият маркази мутахассиси.                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                    

Бизни ижтимоий тармоқларда кузатинг
Facebook, Telegram