1. Бош сахифа
2. Янгиликлар

ТАДБИРКОР ҚАБУЛИ – МУАММОГА ЕЧИМ ТОПИШ УЧУН САМАРАЛИ УСУЛ

×

Кичик бизнес ва хусусий тадбиркорликни фаол қўллаб-қувватлаш, оилавий тадбиркорликни янада ривожлантириш, маҳаллий ишлаб чиқарувчиларни ҳар томонлама рағбатлантириш, экспорт фаолиятини амалга оширувчи корхоналар учун энг қулай шарт-шароитларни яратиб бериш мақсадида туман ҳокимлиги томонидан “Тадбиркорлар қабули” ўтказилиб келинмоқда.  

Бугун Бош вазир қабулхонаси ташаббуси билан Тадбиркорлар қабулхонаси биносида тадбиркорларни қўллаб-қувватлаш, уларнинг мурожаатларини кўриб чиқиш ва муаммоларини ўз вақтида ҳал этиш мақсадида Қўштепа тумани ҳокими И.Новиковнинг навбатдаги тадбиркорлар қабули бўлиб ўтди.

Қабулда тадбиркорлик субъектлари, шу жумладан, тадбиркорлик фаолияти билан шуғулланиш истагидаги фуқаролар ўз муаммолари билан иштирок этдилар.

Ушбу қабул давомида 26 нафар тадбиркор иштирок этиб, уларнинг мурожаатлари бирма-бир тингланди.

Қабул давомида тадбиркорлар томонидан йўлланган мурожаатларда кўтарилган масалаларнинг 6 тасига жойида тушунтириш берилиб, 20 таси тегишли тартибда рўйхатга олинди ҳамда ваколатли давлат ташкилотлари ва корхоналарига кўриб чиқилиши учун йўналтирилди.

Қўштепа туманидаги Бош вазир қабулхонаси ахбороти.

Бизни ижтимоий тармоқларда кузатинг
Facebook, Telegram