1. Бош сахифа
2. Янгиликлар

ЖИНОЯТЧИЛИК ВА ҲУҚУҚБУЗАРЛИКЛАРНИНГ ОЛДИНИ ОЛИШ-ДОЛЗАРБ ВАЗИФА

×

Қўштепа туманидаги Маданият марказида Фарғона вилояти ИИБ бошлиғи, полковник Д.Ташходжаев иштирокида туманда жиноят ва ҳуқуқбузарликларнинг содир этилиш сабаблари ва оқибатлари очиқ мулоқот тарзида муҳокама қилинди.

         Тадбирда Қўштепа тумани ИИБ бошлиғи С.Абдуллаев, туман ҳокими ўринбосари А.Юсупов ҳамда ҳуқуқни муҳофаза қилиш идоралари, маҳалла фуқаролар йиғини раислари, тумандаги ташкилот ва муассасалар, маҳалла фаоллари ва оммавий ахборот воситалари иштирок этдилар.

Тадбир давомида Қўштепа туманида ўтган 2020 йил давомида содир этилган жиноят ва ҳуқуқбузарликлар муҳокама қилиниб, бу борада келгусида бажарилиши лозим бўлган устувор вазифалар белгилаб олинди.

Шунингдек, туманда содир этилаётган йўл транспорт ҳодисалари ҳам муҳокама қилинди. Тадбир қатнашчиларига йўл ҳаракати қоидаларига ҳар бир фуқаро амал қилиш шартлиги, ҳайдовчи билан бирга пиёдалар ҳам ҳаракат хавфсизли қоидаларига риоя қилиши лозимлиги, биргина хато тузатиб бўлмас оқибатларга олиб келиши мумкинлиги тушунтириб ўтилди.

Мулоқот чоғида сўз олганлар ҳар бир маҳаллани жиноятчиликдан холи ҳудудга айлантириш, бу борада бефарқлик, лоқайдлик ҳолатларига барҳам бериш, ҳудудларда жиноятчиликни олдини олиш ва бу борада амалга оширилиши керак бўлган чора-тадбирлар хусусида ўз фикр-мулоҳазаларини билдирдилар.

Қўштепа тумани ҳокимлиги Ахборот хизмати.