1. Бош сахифа
2. Янгиликлар

ХАЛҚ БИЛАН МУЛОҚОТ

×

Қўштепа туманида депутатлар ўз округларидаги аҳоли билан мунтазам равишда учрашув ва мулоқотларни ташкил этиб бормоқдалар.

Ана шундай халқ билан мулоқотларнинг бири, Қўштепа туманидан Ўзбекистон Республикаси Олий Мажлис Қонунчилик палатаси депутатлигига сайланган депутат Ш.Рахимов  иштирокида бўлиб ўтмоқда.

Ушбу мулоқот Эшонгузар маҳалла фуқаролар йиғини ҳудудидаги 49-умумтаълим мактабининг мажлислар залида ташкил этилди.

Тадбирда Ўзбекистон Республикаси Олий Мажлис Қонунчилик палатаси депутати Ш.Рахимов, халқ депутатлари туман Кенгаши депутати А.Набиев, туман Маҳалла ва оилани қўллаб-қувватлаш бўлимининг масъуллари, сиёсий партиялар раҳбарлари, депутатлар, мутасадди ташкилотлар раҳбарлари, маҳалла фуқаролар йиғини ходимлари ҳамда маҳалла вакиллари иштирок этишди.

Мулоқот чоғида Ўзбекистон Республикаси Олий Мажлис Қонунчилик палатаси депутати Ш.Рахимов айни кунларда мамлакатимизда Президентимиз Шавкат Мирзиёев раҳнамолигида амалга оширлаётган ислоҳотлар, қабул қилинаётган янги қонунлар ва уларнинг мазмун-моҳияти ҳақида гапириб ўтди.

Очиқ мулоқотда фуқаролар томонидан маҳалла ҳудудидаги мавжуд муаммолар муҳокама қилинди. Аҳоли томонидан билдирилган мурожаат ва таклифлар тегишли корхона, ташкилот ва муассасалар ҳамда депутатлар томонидан назоратга олинди.

Қўштепа тумани ҳокимлиги Ахборот хизмати.