1. Бош сахифа
2. Янгиликлар

ТАДБИРЛАР ДАВОМ ЭТМОҚДА

×

“Янги Ўзбекистон – янгича дунёқараш” мавзусида маҳаллалар аҳолиси ва ёшлар учун ташкил этилган маънавий-маърифий тадбирлар Қўштепа туманида давом этмоқда. Ушбу тадбир бугун Истиқбол маҳалла фуқаролар йиғини ҳудудидаги 4-умумий ўрта таълим мактабида ўтказилди.

Тарғибот тадбири олдидан Президентимизнинг 5 та ташаббуслари доирасида кўргазмали намойишлар ташкил этилди. Чинакам байрамона ва жўшқинлик руҳида ташкил этилган тадбир концерт дастури ва шеърхонликка уланиб кетди.Ушбу тадбирда туман ҳокими И.Новиков ҳам иштирок этди.

Шунингдек, Истиқбол маҳалла фуқаролар йиғини ходимлари, маҳалла фаоллари билан биргаликда ижтимоий ҳимояга муҳтож оилалар, хотин-қизлар вакиллари, тадбиркорлар, нуронийлар ва спортчи ёшлар ҳам қатнашдилар.

Тадбир давомида хонанда С.Азимов ва 4-умумий ўрта таълим мактабининг истеъдодли ўқувчилари томонидан ижро этилган қўшиқлар ва ватанимизни мадҳ этувчи шеърлар иштирокчиларга кўтаринки кайфият улашди.

Спорт мусобақалари ва фан олимпиадаларида қатнашиб яхши нажижаларга эришган ушбу мактабнинг ўқувчилари ва жонкуяр мураббийларига, маҳалланинг бир гуруҳ фаолларига туман ҳокими томонидан фахрий ёрлиқ ва эсдалик совғалари топширилди. 

Тарғибот тадбири давомида болажонлар ўртасида спорт мусобақалари бўлиб ўтди ва ҳунармандлар, тадбиркорлар томонидан ярмакалар ташкил этилди.

Шунингдек, ушбу тадбирлар туманимиздаги Кичик бешкапа, Йўлдошобод ва Халқобод маҳалла фуқаролар йиғинларида ҳам бўлиб ўтди. Ушбу тадбирларда туман прокурори М.Шомуродов ва туман Маҳалла ва оилани қўллаб-қувватлаш бўлими бошлиғининг биринчи ўринбосари, хотин-қизлар масалалари бўйича туман ҳокими ўринбосари Б.Мўминовалар ҳам иштирок этдилар.

 Мазкур тадбирларда Фарғона Политехника институти ўқитувчилари М.Эргашев, Н.Абдуғаниев, Б.Отақулов, В.Маматов, У.Абдуллаевлар иштирок этишиб, юртимизда бўлаётган ижтимоий-иқтисодий ислохотларнинг мазмун-моҳияти тўғрисидаги ўз маърузалари билан қатнашдилар.

Спортчилар, иқтидорли ёшлар ва санъаткорларнинг чиқишлари билан ушбу тадбирлар ҳам кўтаринки руҳда ўтказилди.

Н.Отабеков,

Маънавият ва марифат маркази туман кенгаши раҳбари.