Ушбу мақолада Қўштепа тумани халқ таълими бўлими тасарруфидаги 10,46-умумтаълим мактаблари ҳожатхоналари таъмирталаб эканлиги ҳақида танқидий фикир билдирилган эди. Мақоладаги холатни ўрганиш учун туман халқ таълими бўлими томонидан ишчи гуруҳи тузилди ва мавжуд камчиликлар ўрнида бартараф этилди.

10-умумий ўрта таълим мактаби ҳожатхонасининг эшиклари таъмирланиб, деворлари сувоқланди. Ўқувчиларнинг қўл ювишлари учун шароитлар яратилди.  

         46-умумий ўрта таълим мактабининг ҳожатхонаси ҳам чиқиндилардан тозаланиб, деворлари сувоқланди. Ҳожатхона ёнидаги қўл ювгичларга янги жўмраклар ўрнатилди.

           Юқоридаги камчиликлар юзасидан тумандаги барча таълим муассасалар раҳбарлари, хўжалик ишлари бўйича директор ўринбосарлари иштирокида  ZOOM орқли йиғилиш ўтказилиб, йиғилишда камчиликларни бартараф этиш бўйича тушунтириш ишлари олиб борилди ва тегишли чора-тадбир режаси белгилаб олинди.

            Йиғилиш якуни бўйича тумандаги 10-46 умумтаълим мактабларида аниқланган камчиликларга йўл қўйганликлари ва ўз вақтида бартараф этмаганликлари учун мактабнинг хўжалик ишлари бўйича директор ўринбосарлари Т.Тешабоев ҳамда  Б.Камоловларга нисбатан бўлимнинг 4.10.2020 йил кунги 12-IJ сонли буйруғи билан хайфсан берилди.

         Ушбу танқиддан тўғри хулоса чиқарилиб, тумандаги қолган умумтаълим мактабларида ҳам бундай камчиликларга йўл қўймаслик юзасидан таклифлар ва топшириқлар берилди.

О.Деқҳонов,

туман халқ таълими бўлими мудири.