1. Бош сахифа
2. Янгиликлар

“ТАДБИРКОРЛАР УЙИ” ФАОЛИЯТИНИ БОШЛАДИ

×

Қўштепа туманида инвестиция ва иш­билармонлик муҳитини яхшилаш борасида амалий чора-тадбирлар белгиланиб, бир қатор ижобий на­тижаларга эришилмоқда. Куни-кеча тадбиркорлар фаолиятини қўллаб-қувватлаш борасида яна бир хайрли ишга қўл урилди. Вилоят ҳокими­нинг қарорига асосан туманимизда ҳам “Тадбиркорлар уйи” ташкил этилди.

Замон талаби билан барпо этилган “Тадбир­корлар уйи”нинг асосий мақсад ва вазифалари қуйидагиларда акс этади. Аҳолини тадбиркорлик соҳасидаги илк кўникмаларини шакллантириш бўйича ўқув курсларини ташкил этиш, тадбир­корларга чет эл инвестицияларини жалб этиш борасидаги муаммоларини ҳал қилишда ва ишлаб чиқараётган маҳсулотини ташқи бозор­ларга киришига кўмаклашиш, инвестицияларни жалб этиш соҳасидаги қонун ҳужжатларини та­комиллаштириш бўйича таклифлар тайёрлаш, бизнес форумлар, конференциялар, коопера­цион саноат ярмаркалари ҳамда семинарлар ўтказиш, туманда фаолият олиб бораётган тад­биркорлик субъектларини хорижий давлатларда ўтадиган кўргазма ва ярмаркаларда иштирокини таъминлашга кўмаклашиш, экспорт ва импорт шартномаларини тузиш ва рўйхатга олиш маса­лалари бўйича маслаҳат бериш ҳамда маҳаллий ва хорижда ишлаб чиқарилган технологик ускуналарни харид қилиш бўйича маълумот олишда кўмаклашиш ва бошқалардан иборатлиги ҳар бир тадбиркор ўз фаолиятини ривожлантиришда ушбу масканнинг кўмагидан фойдаланишини тақозо  этади.

Қўштепа тумани ҳокимлиги Ахборот хизмати.