1. Бош сахифа
2. Янгиликлар

“БЕШКАПА” ҚАБРИСТОНИ ОБОДОНЛАШТИРИЛДИ

×

Қўштепа тумани бош имом хатиби Абдухошим Ахмадалиевнинг ташаббуси билан “Бешкапа” қабристонида ҳашар ташкил этилди.

Ҳашар давомида қабристонда қатор ободончилик ва тозалаш ишлари олиб борилди. Қолаверса, қабристон йўлакларини кечаси ёритиш мақсадида ёритгич чироқлари қўйилди ва ичимлик суви ҳам тортиб келинди. Бу ишларни амалга ошириш учун хомийлар томонидан ажратилган ўн бир миллион сўм сарфланди.

Қуръони каримда марҳамат қилинади: “(Ер) юзидаги барча мавжудот фонийдир”.(Ар-рохмон, 26-оят). Лекин бу фоний дунёдан ўтган инсондан унинг ўчмас хотираси, эзгу ишлари қолади.

Шариатимиз кўрсатмаларига кўра ўтганларни қабрларини зиёрат қилиш, қабристонларни озода сақлаш суннат амаллардандир. Чунки Пайғамбаримиз (с.а.в.) шундай марҳамат қилганлар: “Сизларга қабрлар зиёратини тақиқлаган эдим. Мана энди қабрларни зиёрат этаверинг, зеро, у сизларга охиратни эслатади” деганлар.

Аллоҳ таоло ўтганларимизнинг руҳларини шод, қабрларини пурнур айласин.

Қўштепа тумани  ҳокимлиги Ахборот хизмати.