1. Бош сахифа
2. Янгиликлар

«Пахта-2020»: ҚЎШТЕПАДА ТЕРИМ АВЖИДА

×

Бугун қай бир маҳаллага борманг, “оқ олтин”ни ўз вақтида нест-нобуд қилмасдан териб олишга ўз хиссасини қўшмоқчи бўлган теримчиларни дала майдонлари томон отланаётганига гувоҳ бўласиз. 

Айни кунларда Қўштепа туманида ҳам пахта йиғим-терим ишлари авжида. Тумандаги барча фермер хўжаликларида машаққатли меҳнатлар эвазига етиштирилган  пахта ҳосилини йиғиштириб олиш ишлари қизғин давом этмоқда. Чунки, далаларда деҳқоннинг пешона тери, қалб қўри билан етиштирилган ҳосилни ёғин-сочинли кунларга қолдирмай, нест-нобуд қилмасдан йиғиб-териб олиш даркор. Шу боис, тумандаги барча фермер-у деҳқонларнинг диққат-эътибори ҳосилни барвақт йиғиштириб олишга қаратилган.

Бугун туман ҳокими ўринбосари – маҳалла ва оилани қўллаб-қувватлаш бўлими бошлиғи З.Камилов ҳамда маҳалла ва оилани қўллаб-қувватлаш бўлимининг хотин-қизлар масалалари бўйича ўринбосари Б.Мўминовалар Лойсон маҳалла фуқаролар йиғинидаги “Жасур-Жавоҳир-Моҳичеҳра”, Гаримдон маҳалла фуқаролар йиғинидаги “Ферузбек нурли келажак” фермер хўжаликларида бўлишиб, пахта йиғим-терими жараёнида амалга оширилаётган ишлар ҳамда теримчилар учун яратилган шарт-шароитлар билан яқиндан танишдилар.

Қўштепа тумани ҳокимлиги Ахборот хизмати