Юридик ва жисмоний шахслар томонидан веб сайт орқали бўлган мурожаатлар
Жами мурожаатлар: 38Ишонч телефони статистикаси
СТАТИСТИКА: Ўзбекистонда қанча одам пенсия олади?
2020-07-14 10:24:25 235
Ўзбекистон Республикаси Молия вазирлиги ҳузуридаги бюджетдан ташқари Пенсия жамғармаси мамлакатимизда пенсия ва нафақа олувчиларнинг сонини эълон қилди.
Бу ҳақда жамғарма матбуот хизмати хабарига кўра, 2020 йил 1 май ҳолати бўйича Пенсия жамғармаси ҳисобида турувчи пенсия ва нафақа олувчиларнинг умумий сони 3 миллион 734 минг 230 нафарни ташкил қилмоқда.
Ҳудудлар кесимида ҳисобланганда уларнинг энг кўп – 13,3 фоизи Тошкент шаҳрига, 12,3 фоизи Навоий вилоятига тўғри келади. Бу кўрсаткич Тошкент, Бухоро, Фарғона, Сирдарё, Андижон, Хоразм вилоятларида 11 фоиз ва ундан кўпроқни ташкил қилади. Бошқа ҳудудларда эса 9 фоиздан 10 фоизгача.
Эслатиб ўтамиз, бугунги кунда пенсияларнинг ўртача миқдори 747 минг 480 сўмни ташкил этмоқда. 1991 йил 1 январдаги маълумотда 2 миллион 158 минг 995 нафар пенсия ва нафақа олувчи қайд этилган.
