Юридик ва жисмоний шахслар томонидан веб сайт орқали бўлган мурожаатлар
Жами мурожаатлар: 38Ишонч телефони статистикаси
Коронавирусга қарши кураш чоралари янада кучайтирилмоқда
2020-07-10 11:05:37 144
Қўштепа тумани ҳокими И.Новиков ҳамда сектор раҳбарларининг саъй-ҳаракати билан туманда карантин қоидаларини таъминлаш, фуқаролар ўртасида тарғибот-ташвиқот ишларини олиб бориш билан боғлиқ чора-тадбирлар янада кучайтирилди.
Хусусан, туман ҳокимлиги, Республика Маънавият ва маърифат маркази вилоят бўлими ва туман бўлинмаси, туман давлат санитария эпидемиология назорати маркази ходимлари томонидан ўзаро ҳамкорликда тарғибот тадбирлари олиб борилмоқда. Шундай тарғибот тадбирларидан бири Лангар, Шодлик, Қумтепа маҳалла фуқаролар йиғинида олиб борилди. Тарғибот тадбирлари давомида маҳаллалардаги савдо шохобчалари ва дорихоналарда ҳамда аҳолига хизмат кўрсатувчи турли ташкилотларда карантин қоидаларига риоя қилиниши юзасидан тарғибот-ташвиқот ишлари олиб борилди.
Вирусли касалликлардан ҳимояланиш тартиб-қоидалари юзасидан тайёрланган қўлланмалар умумий ўрта таълим мактабларига тарқатилиб, тарғибот воситаларидан фойдаланиш ва уларни жойлаш тартиби бўйича тавсиялар берилди.
Карантин тадбирлари давомида туман давлат санитария эпидемиология назорати маркази ходимлари томонидан ҳудудларда доимий тарзда дизенфекция ишлари олиб борилмоқда. Хусусан, аҳоли гавжум жойларда, савдо дўконлари, корхона ва ташкилотларда, фуқароларнинг хонадонлари ҳамда йўлларнинг қатнов қисмларида зарарсизлантириш тадбирлари узлуксиз давом эттириб келинмоқда.
Қўштепа тумани ҳокимлиги Ахборот хизмати.
