1. Бош сахифа
2. Янгиликлар

ДЕЗИНФЕКЦИЯ ИШЛАРИ ДАВОМ ЭТМОҚДА

×

Қўштепа туманида коронавирус инфекцияси кириб келиши ва унинг тарқалишини олдини олиш борасидаги ишлар жадал суратда олиб борилмоқда. Хусусан, туман Фавқулодда вазиятлар бўлими ҳамда Санитария-эпидемиологик осойишталик маркази ўзаро ҳамкорликда дезинфекция ишларини амалга оширмоқдалар.

Ушбу дезинфекция тадбирлари туман Фавқулодда вазиятлар бўлими томонидан махсус техникалар ёрдамида туман хокимлиги ҳудудида, давлат ташкилотларида, “Деҳқон бозори” МЧЖ ҳудудида, озиқ-овқат дўконлари кириш қисми ва атрофларида, маҳалла фуқаролар йиғинларида ҳамда марказий кўчаларда олиб борилмоқда.

Бугун ҳам бўлим томонидан марказий деҳқон бозори, туман тиббиёт бирлашмаси ва марказий шифохона ҳудудларида, Қумтепа маҳалла фуқаролар йиғинига қарашли Б. Марғилоний ҳамда Қийқи маҳалла фуқаролар йиғини ҳудудидаги Сохибкор кўчаларида дезинфекция ишлари олиб борилди.

Қўштепа тумани ҳокимлиги Ахборот хизмати