1. Бош сахифа
2. Янгиликлар

ФРОНТ ОРТИДА ЖАСОРАТ ВА МАТОНАТ КЎРСАТГАНЛАР

×

Иккинчи жаҳон урушидан азият чекмаган оила йўқ. Ҳалигача бу урушнинг жароҳати қалбларни ўртайди. Кўп миллатли Ўзбекистон халқи бутун тараққийпарвар инсоният қатори 1941-1945 йиллардаги урушда фаол иштирок этиб, фашизм устидан қозонилган буюк Ғалабага муносиб ҳисса қўшди.

Ўша даврларда фронтдагилар она ватан учун қон кечган бўлсалар фронт ортидагилар ҳам чинакам фидойилик кўрсатдилар. Завод ва фабрикаларда аёллар ва болалар, кексалар ва ногиронлар меҳнат қилиб, фронт учун қурол-яроғ, кийим-кечак ҳамда бошқа маҳсулотлар етказиб берди. Ғалла етиштириб, ўзи нон емаса ҳам фронтга жўнатди, боғлардаги сархил мевалар биринчи навбатда жанггоҳларга юборилди. Бир сўз билан айтганда, фронт ортида қолган халқимиз ҳам жангда қон кечгандек жасорат ва матонат кўрсатди.

Эл-юртимизнинг уруш йилларида кўрсатган мардлик ва қаҳрамонлиги биз учун улкан жасорат мактаби, ғурур-ифтихор манбаи бўлиб, вақт ўтгани сайин бу ўлмас қадриятларнинг аҳамияти тобора ортиб бормоқда. Иккинчи жаҳон урушида ҳалок бўлган аждодларимиз хотирасига чуқур ҳурмат бажо келтирилиб, фашизмга қарши жангларда, меҳнат фронтида жонбозлик кўрсатган фахрийларимизга алоҳида эътибор ва эҳтиром кўрсатиш юртимизда олижаноб анъанага айланган.

Президентимиз фармонига кўра, бу йил Иккинчи жаҳон уруши қатнашчилари ва фронт ортида меҳнат қилган фахрийларимиз “Иккинчи жаҳон урушидаги Ғалабанинг 75 йиллиги” эсдалик юбилей медали билан тақдирландилар.

Қўштепа тумани  Хўжа қишлоқ маҳалла фуқаролар йиғинида яшовчи Усмонали ота Турғунов,

  Қийқи маҳалла фуқаролар йиғинида яшовчи Абдуллажон ота Аляров

“Иккинчи жаҳон урушидаги Ғалабанинг 75 йиллиги” ҳамда Россия Федерациясининг “75 лет Победы в великой Отечественной войне 1941-1945гг.” юбилей медаллари билан тақдирланишди. Шунингдек, уларга туман ҳокимлигининг туҳфалари ҳам топширилди.

Бугун биз барча қўштепаликлар номидан бу азиз инсонларни юбилей медаллари билан табриклаймиз.

Қўштепа тумани ҳокимлиги ахборот хизмати