Юридик ва жисмоний шахслар томонидан веб сайт орқали бўлган мурожаатлар
Жами мурожаатлар: 38Ишонч телефони статистикаси
БУ СИНОВЛИ КУНЛАРНИ МАРДОНАВОР ЕНГИБ ЎТАМИЗ!
2020-04-17 13:50:53 196
Қўштепа тумани ҳокими И. Новиковнинг ташаббуси билан давлат солиқ инспекцияси, ҳомий тадбиркорлар ҳамкорлигида туманда арзонлаштирилган озиқ-овқат маҳсулотлари ярмаркалари ташкил этилмоқда.
Туман Давлат солиқ инспекцияси бошлиғи, 4-сектор раҳбари Сирожиддин Абдирасуловнинг саъй-ҳаракати билан карантин даврида аҳолининг эҳтиёжларидан келиб чиққан ҳолда, 17 та ҳудудда кўчама савдо дўкон ташкил этилди. Бугунги кунда 12 та озиқ-овқат, 3 та ноозиқ-овқат ва 1 та кўчма дорихона аҳолига хизмат кўрсатмоқда. Мазкур “Кўчма дўконлар”лар томонидан маҳаллаларда арзонлаштирилган маҳсулотлар савдоси йўлга қўйилди.
Қолаверса, маҳаллаларда арзон нархларда ун маҳсулотлари савдоси ва кийим-кечак ярмаркалари ҳам йўлга қўйилди. 5 та маҳалла фуқаролар йиғинларида яшовчи кам таъминланган оилаларга 4500 туп памидор кўчатлари бепул тарқатилди.
Яратилган ушбу қулайлик аҳолининг уйда қолиб рўзғор учун зарур хўжалик молларини ўз ҳудуларидан савдо қилишларига замин яратмоқда.
Сектор раҳбари С. Абдирасулов мутасаддилар билан бирга аҳолининг томорқалардан унумли фойдаланиш даражасини ўрганиш мақсадида Қўрғонча ва Дўрмон маҳалла фуқаролар йиғинларида бўлиб, томорқа майдонларини кўздан кечирдилар.
Қўштепа туманида томорқасидан унумли фойдаланиб, деҳқончиликнинг ҳадисини олган инсонлар кўп. Бундай кишиларнинг ҳовлисига қадам қўйсангиз, обод томорқаларини кўриб, баҳри-дилингиз очилади, кайфиятингиз кўтарилади.
Сектор раҳбари аҳолига томорқалардан самарали фойдаланишни ташкил этиш юзасидан ўзининг маслаҳатларини берди. Туманда ипак қурти парвариши бошлангани муносабати билан Дўрмон маҳалласидаги пиллакорлар томонидан олиб борилаётган ишлар билан ҳам танишди.
Қўштепа тумани ҳокимлиги Ахборот хизмати
