Юридик ва жисмоний шахслар томонидан веб сайт орқали бўлган мурожаатлар
Жами мурожаатлар: 38Ишонч телефони статистикаси
ҚЎШТЕПА ТУМАНИ ҲОКИМЛИГИ АХБОРОТ ХИЗМАТИ БАЁНОТИ
_-_копия41014.jpg)
2020-04-10 11:10:34 181
Жорий йилнинг 8-апрель куни тунда бошланган кучли шамол натижасида Қўштепа туманида электр таъминотида аварияли узилишлар кузатилди. Кучли шамол натижасида 35/10 кВли “Дўрмон” нимстанциясидан чиқувчи 10 кВли “Қизилтепа” ва бошқа “Ниёзов”, “Қирғизобод”, “Чимкент”, “Лойсон” электр узатиш ҳаво тармоқлари аварияли узилган.
Оқтепа МФЙ ҳудудидаги № 49 трансформатор пунктидан чиқувчи 0,4 кВ ҳаво линиясига фуқаролар томонидан экилган тераклар синиб тушгани сабабли сим узилиб, таъминотда узилиш юзага келган. 1-таъмирлаш бўлими устаси Х. Тўланов бошчилигидаги бригада носозликни бартараф этиш учун жалб қилинди. Маҳалла оқсоқоли иштирокида тераклар кесилиб, узилган симлар қайта уланиб носозлик шу куннинг ўзидаёқ бартараф этилган.
9 апрель куни тумандаги электр энергияси истеъмолчилари таъминотидаги барча носозликлар тўлиқ бартараф этилиб, электр энергияси узлуксиз етказиб берилмоқда.
Яна шуни маълум қиламизки, Сойбўйи МФЙ ҳудудида ТП-502 юкламасини енгиллатиш учун қўшимча 1 дона КТПМ-160/10/0,4 кВА ва 56 дона темир бетон таянчлари ўрнатилиб, 1,5 км янги электр тармоғи қурилиши олиб борилмоқда.
Қўштепа тумани ҳокимлиги Ахборот хизмати
