1. Бош сахифа
2. Янгиликлар

НАРХ – НАВО ҲОКИМ НАЗОРАТИДА

×

Барча жойларда бўлгани каби Қўштепа туманида ҳам кучайтирилган карантин даврида аҳолининг санитария-эпидемиологик осойишталиги ва хавфсизлигини таъминлаш билан бир қаторда ҳудудлардаги озиқ-овқат савдо дўконларида нарх-наво барқарорлигини сақлаш, уларнинг сунъий ўсишига йўл қўймаслик доимий диққат-эътиборда бўлиб турибди. 

Туман ҳокими И. Новиков куни кеча Ғиштмон ва Истиқлол маҳалла фуқаролар йиғинларида бўлиб, масъул идора раҳбарлари билан бирга  озиқ-овқат маҳсулотлари дўконларидаги нарх-наво билан танишиб, сотувчилар билан яқиндан суҳбат ўтказди.

         Карантин даврида тумандаги озиқ-овқат дўконларида одамларнинг бирламчи эҳтиёжи учун зарур бўладиган маҳсулотларнинг етарли даражада таъминланганлиги ва нарх-навонинг асоссиз ошиб кетишига йўл қўймаслик ҳолатлари ўрганиб чиқилди. Жумладан, дорихоналардаги тиббий ниқобларнинг етарли даражада мавжудлиги ҳам ўрганилди.

Карантин даврида аҳолини озиқ-овқат маҳсулотлари билан таъминлаш ва нархни барқарор ушлаб туриш туман ҳокимлиги томонидан доимий назоратга олинган.

Қўштепа тумани ҳокимлиги Ахборот хизмати