1. Бош сахифа
2. Янгиликлар

ЭЛГА ЯPАШГАН ЭЗГУ АНЪАНА

×

"Обод юрт" шиори остида ўтказилаётган хайрия ҳашари Наврўз умумхалқ байрамига муносиб тараддуд кўриш, халқ орасида ўзаро меҳр-оқибат, ҳамжиҳатликни янада кучайтириш, ҳудудларни ободонлаштириш ва кўкаламзорлаштириш, санитария ҳолатини яхшилаш мақсадида амалга оширилмоқда.

Хайрия ҳашари Қўштепа тумани ХТБга қарашли барча мактабларда уюшқоқлик билан олиб борилиб, устоз-мураббийлар ўзларининг муносиб ҳиссаларини қўшишмоқда. Улар томонидан мактабларнинг майдони, кўча қисми, ариқлари тозаланиб, дов-дарахтлар буталиб, оқланди. Гул, мевали ва манзарали дарахт кўчатлари экилиб, бўш турган жойларда яшил ҳудудлар ташкил қилинди.

Халқимизнинг бой тарихи, миллий ўзлигимизни намоён этувчи ҳашарнинг туб замирида аждодларимизнинг инсонийлик, меҳр-оқибат, ўзаро ҳамжиҳатлик, юртга муҳаббат, каби эзгу фазилатлари мужассам. Бундай ишлар натижасида шаҳар ва қишлоқларимиз тобора чирой очиб бораётир. Бир сўз билан айтганда, Наврўз байрами арафасида ўтаётган ушбу тадбир халқимизни бунёдкорлик ва ободонлаштириш завқи билан яшаётганини намойиш этмоқда.

Қўштепа тумани ҳокимлиги Ахборот хизмати