1. Бош сахифа
2. Янгиликлар

8 МАРТ ГЎЗАЛЛИК ВА НАФОСАТ АЙЁМИ

×

8-март Халқаро хотин-қизлар куни муносабати билан Қўштепа туманидаги "Шодлик" тўйхонасида байрам тадбири бўлиб ўтди. Тадбирда 300 нафардан зиёд тумандаги кекса онахонлар, опа-сингиллар иштирок этишди.

Тадбирда туман ҳокими И. Новиков байрам муносабати билан хотин-қизларни табриклаб, уларга эзгу тилакларини билдирди.

Байрам тадбирида Ўзбекистон Республикаси Президенти ташаббуси билан таъсис этилган “Мўътабар аёл” кўкрак нишонига сазовор бўлган Тожихон Абдуқодировага юксак нишон топширилди.

8-март Хотин-қизлар байрами муносабати билан Ватанимиз тараққиётига қўшган самарали ҳиссаси ҳамда ижтимоий-сиёсий ҳаётдаги фаол иштироклари учун бир қатор опа-сингилларимиз туман ҳокимлигининг совғалари билан мукофотландилар.

Шунингдек, дастурхон атрофида йиғилган аёл-қизларга байрам концерт дастури намойиш этилди.

Баландмасжид МФЙда истиқомат қилувчи 90 ёшли онахон Рахимахон ая Фозилова томонидан ижро этилган халқ қўшиғи тадбир  иштирокчиларига кўтаринки кайфият улашди.

Куй-қўшиққа, қўшиқлар рақсларга уланиб, тадбир қатнашчилари мароқли дам олдилар.

Қўштепа тумани ҳокимлиги Ахборот хизмати