Юридик ва жисмоний шахслар томонидан веб сайт орқали бўлган мурожаатлар
Жами мурожаатлар: 38Ишонч телефони статистикаси
Қишга тайёргарлик – муҳим вазифа
2019-12-16 18:22:01 164
Мажбурий ижро бюроси Қўштепа тумани бўлими томонидан 2019-2020-йиллар куз-қиш мавсумида бахтсиз ходисаларни олдини олиш, фуқароларнинг ҳаёти, соғлиги ва мол-мулкларини сақланишини таъминлаш мақсадида ёнғин хавфсизлик хизмати, энергия ресурслари ва табиий газ таъминотчилари ҳамда бошқа мутасадди ташкилотлар билан ҳамкорликда чора-тадбирлар режаси ишлаб чиқилди.
Табиий газдан фойдаланишда техника хавфсизлик қоидаларига риоя этиш, иситиш мосламаларидан хавфсиз ҳолда ва мувофиқлик сертификатлари мавжуд бўлган ҳолларда тегишли мутахассисларни хулосасини олгандан сўнгина фойдаланиш юзасидан истеъмолчиларни ҳуқуқий маданиятини ошириш борасида ҳуқуқий тарғибот ишлари олиб борилмоқда.
Бундан ташқари, куз-қиш мавсуми келиши муносабати билан об-ҳавонинг кескин пасайиши натижасида хонадонларни иситиш мақсадида истеъмолчилар томонидан электр энергияси ва табиий газдан фойдаланишда техника хавфсизлиги қоидаларига риоя этмасдан, мувофиқлик сертификатларига эга бўлмаган қўлбола иситиш мосламаларидан ва газ плиталаридан фойдаланишлари оқибатида турли хилдаги бахтсиз ходисаларнинг келиб чиқиш ҳолатлари кўпаймоқда.
Шунга кўра, бахтсиз ходисаларни олдини олиш, фуқароларнинг ҳаёти, соғлиги ва мол-мулкларини сақланишини таъминлаш мақсадида энергия ресусрлари, хусусан газдан фойдаланишда техника хавфсизлик қоидаларига риоя этиш, иситиш мосламаларидан хавфсиз ҳолда ва мувофиқлик сертификатлари мавжуд бўлганда мутахасислар хулосасини олгандан кейин фойдаланиш лозим бўлади.
Фарҳоджон ХОЖИБОЕВ,
МИБ Қўштепа туман бўлими Қарздорлик судгача ундириш шўъбаси инспектори
