1. Бош сахифа
2. Янгиликлар

Ўзбекистон байроғи - юртимнинг ифтихори

×

Ўзбекистон Республикаси давлат байроғи қабул қилинган куннинг 28 йиллик шодиёнаси юртимизнинг ҳар бир ҳудудида кўтаринки руҳда нишонланмоқда. Марказий кўчалар бўйлаб давлатимиз байроғини кўкларга кўтарган ҳолда юришлар юртдошларимиз кўнглини фахр ва ифтихор туйғуларига тўлдирди.

Ушбу сана муносабати билан Қўштепа туманидаги Ёшлар марказида ҳам байрам тадбири ташкилланди.

Тадбирда туман ҳокими Илёс Новиков иштирок этиб, барча туманимиз аҳолисини байроғимиз қабул қилинган кун муносабати билан самимий табриклади. Туманимиз ҳокими байроғимизда акс этган рангларнинг ўзига хослиги ҳамда ҳар бирининг алоҳида маъноларга эга эканлигини таъкидлаб ўтди.

Тадбир давомида Ватанни, тинчликни тараннум этувчи шеърлар, хонандалар томонидан янграган куй-қўшиқлар жаранги барча тадбир иштирокчиларига кўтаринки кайфият улашди.