Qoʻshtepa tumanida aholi uchun qulay va xavfsiz harakatlanish imkoniyatini yaratish maqsadida Borot mahallasining Orzu koʻchasini asosiy yoʻllar bilan bogʻlovchi, uzunligi 92 metr boʻlgan asfaltlanmagan yoʻl qatlamiga asfalt yotqizildi. Jami 55 tonna asfaltdan 30 tonnasi mahallaning soliq tushumlari asosida shakllantirilgan jamg‘arma mablag‘lari hisobidan xarid qilinib, bu maqsad uchun 15 million so‘m mablag‘ yo‘naltirildi. Qolgan 25 tonna asfalt esa mahalladagi homiylar ko‘magi orqali ta’minlandi. Yoʻl taʼmiri Qoʻshtepa tumanida infratuzilmani yaxshilash, aholi uchun yanada munosib sharoit yaratishga qaratilgan navbatdagi amaliy tashabbuslardan biri boʻldi.